10：30起床，11：15出門，12：00到芝山站，12：05到大葉高島屋百貨店，12：21終於到阿吉師啦……yeah!!(係芝山站對面行人橋底樓梯口有部shuttle bus免費去高島，落車係對面Starbucks路口行入去，過一個路口就見到好似香港啲市政街市，地下行入去就見到啦！）
阿吉師係邊位？佢係一個人名n老闆又係一間係街市內食日本料理嘅地方，估唔到係街市內有呢?重係咁正tim！d魚生壽司新鮮又鮮甜，件壽司飯細細魚生大大，長腳蟹肉鮮味，帶子超厚，冰鎮鮑魚超甜，重有其它，都好味到不得了……讚呀！佢又唔孤寒d手卷由頭到尾都足料一流……正^v*，老婆件海膽手卷食到尾仲流膽tim（係海膽），個件拖羅手卷一樣由頭到尾都係拖羅料一流呀，佢重有煲海鮮湯任飲超甜，又有一件小甜品超超超……得*v*，我哋一共食咗14款食物合共（NT3000／HK750）2位，lunch完老公要飲杯Starbucks啡hea吓，hea 咗好耐，坐番捷運，下個目標＂深坑＂但我地上車之後，天就越來越黑，到動物園站已經下雨啦！想問吓站務室怎樣去深坑，點知職員好有經驗咁指下玻璃上嘅告示，已經寫晒la，相信日日有遊客問，所以咪咁囉！
告示話出站直行過對面馬路，便利店側面有公車站660或666去囉，我地照做，好易搵，上咗公車但唔知幾時落wo？最簡單嘅辨法同司機叔叔講囉！司機叔叔好好，話到深坑叫我地落車，（順便提提，攞住部旅行書有時都有用，唔識講，比佢睇，有相片有文字，佢又知你係遊客，多數會幫忙嘅！）但是落車已經好大雨，臨時買把傘NT90，因落大雨好多店家無開，遊客又少比較冷清，我地係一間豆腐冰淇淋門口避雨及食豆腐冰淇淋，之後無乜好行就搭回頭車走la，搭捷運去中孝復興站附近買阿默蛋糕，然後回酒店休息一陣，老婆係酒店對面買咗6個胡椒餅準備攞返香港。
再出發去捷運六張犁站，行去基隆路二段，行好耐才到＂明月湯包＂唉呀！9點收舖啦！白行tim！
唯有回頭路回酒店附近食豬扒飯，然後覺覺豬！
day 5
早起床準備回航，去肯得雞食早餐（酒店送）後，想去均一店買個盒放6個胡椒餅，但咁早未開門呢，唯有拆開其他手信的紙盒來載啦！
12點幾去
在九分買的手繪裙子
有得食喇
食得好開心
海鮮湯任飲
食得好滿足
在芝山站外, 坐這架免費車去高島屋下車
深坑老街 , 不過下雨, 無乜行人
我諗係豆腐
就係呢間買豆腐
下雨, 無乜行人
地下石刻
返回酒店附近的胡椒餅
到機場，老婆想搵心水鳳梨酥搵唔到，唯有買些台灣梅囉，1340登機前都要食碗台灣牛腩粉！bye bye Taipei!
