08：15出門去下一條街嘅KFC食早餐，因hotel係mini型無餐廳嘅。我哋要坐09：00嘅火車，時間關係我哋要打包到火車站食囉。08：35係火車站月台內坐定定食早餐n等車，d火車班次都好多3~4分鐘一班車，我哋坐＂自强號＂1061班次去＂瑞芳站＂再轉公車，09：40到瑞芳站天氣好正、環境好好。落咗火車要經過一條小隧道，內裡做到好似防空洞好特色，同時要留意隧道內放有瑞芳市新舊貌嘅瓷相係兩邊，令人知道呢度嘅轉變非常有心意。
來到瑞芳火車站正門，步行出到路口有間OK店，係對面有公車上金瓜石 經九份嘅，（係OK便利店旁公車站我地兩公婆周圍望，街邊嬸嬸已經好友善咁問我地去那，叫我地過對面公車站搭車）沿途風景好靚，係第二站讓座比婆婆坐，婆婆好熱情地講解金瓜石 n九份，叫我哋一定要先上金瓜石 後到九份，這個路程係最暢順。我哋見婆婆嘅熱誠又不妨一試，果然無錯金瓜石 的確係另一個可以到嘅地方。
09：55到金瓜石 車站，其實佢係九份山上一個金礦場，係日本人佔領台灣期間，在九份山上設立管理局，要當地居民開礦，山上尤如一個小社會，日本仔被趕走後，國民政府發展為旅遊點。（原本要比錢入去的，但有指示牌話21／5--21／6免費，多謝喲）
12：15落返九份人群一般，可能係平日所以行得都好輕鬆，呢度d試食好多，唔太肚餓嘅話，都可以食飽你喲，沿路上到高點位，可以望到山中嘅民居、遠處嘅漁港口風景好靚，所以＂九份＂係值得一行，同時佢嘅特色都係食食食、買買買，我地買咗好多嘢，but去九份要準備多少少時間，我哋全程計都一日時間。
19：30返到hotel，立即洗返個白白先超爽。20：30又出發打的去饒河夜市，佢裡面乜都有食、玩、買，係呢度食咗（魯肉飯、藥燉排骨、藥燉羊肉）NT150，又打包d小吃（青瓜、鴨舌、豆干、鴨腎、腳趾）NT63返hotel，but呢個夜市對我哋嚟講都可以不去（麻麻哋）。
21：30坐63號公車（內湖~台北車站 ）需時一個鐘。
22：30係台北車站 附近君品酒店落車步行20分鐘先到hotel。現在終於可以停一停嗱，今日真係好疲倦，足足一整日，朝07：30~22：45，15個鐘頭無蝕底….…傻嫁……返工都唔洗咁長時間，but旅行算嗱豪一次咁多啦……^^
車站下面隧道
九分路口, 炸蝦球
九分之旅開始
魚丸
我地係呢間買衫買袋
又肚餓, 食牛肉麵
饒河夜市
沒有留言:
發佈留言