Anita & Louie 旅遊手記: 12月 2012

2012年12月10日星期一

新加坡、馬爾代夫8天之旅--20週年紀念 day 7-8

2012/12/4 Tuesday Day 7 陽光

6點起身，意為池邊兩條白色魔鬼魚未走，潛落去睇下先，走咗Lu，在沙上留下兩個大印，兩公婆又合照下先，最後一天囉，真不想走！

早餐後去找楊君傾計，順便和她合照，回家又email給她，她話5點9安排了船出內陸機場，之前無客要入我們房，可以4點鐘交房，yeah! 又可以玩耐啲，9點幾早餐後回房，兩公婆無所事事，影飛躍照片，10點半又出去試下獨木舟，扒咗過對面沙洲，職員搖手大叫我們回去，莫非驚水流急？沖走我地？

回去岸邊又扒過，跟住又回防波堤礁石浮潛，又影下魚先，浮到1點幾又返房下面浮，影下八爪魚，係房hea5點幾才到reception拍照留念，又與同機來的四位國內朋友傾計.

5點45分準時送我們到碼頭，職員笑臉揮手送别，另有職員一路送我們到內陸機場才離開，在國際機場又有職員帶我們去check in 才正式離開我們，真是照顧週到！

馬爾代夫，buy buy lu.飛飛飛，飛到第二日中午12半才回港。

飛呀

你望什麼

幾溫馨

更加溫馨

我手指係個珊瑚礁

又係早餐時間

今日吃西多士

粥早餐

早餐笑笑

她就是楊君, 好好服務

返房再飛

飛

睇下我後面啲水色

兩公婆一起飛

走前還有時間玩

等車去碼頭, 走咯

上船了, 要走喇

你好似唔係好啥得, 下次再嚟囉

再見, 夕陽

開船前留念

到咗隔離個島, 上車去內陸機楊

就係這架車送我們去小小小型機場

幾細

終於飛到馬里國際機場

在馬里機場內休息

又飛去新加坡

到新加坡 , 又轉機返香港

每朝6點幾都有一只綠色小船在很遠經過，莫非上班？7點幾我又拿著相機等海龜(死心不息)，海龜無嚟，魔鬼魚嚟咗，但我又衰咗，意為按咗掣，錯哂，只是影到一個畫面，今日主要節目去Diving centre報名浮潛，因為昨晚碰見內地朋友，佢地話出面珊瑚礁更加靚，仲見到幾隻海龜，今天決定出去看，吃完早餐到reception 見到楊君，她是從內地來工作的，一年只有3個月回家休息，她的服務好好，可能大家中國人，親切好多，她話上午已經滿額了，下午還有，我地立即行去Diving centre 報名，途中在橋通道仲望見海中baby shark，報完名回房，係房下面浮下先，影下周圍魚魚，影完係房嘅泳池hea下，突然見到3O呎外有條3呎幾鯊魚游弋，我仲叫隔鄰屋韓國人睇添，不過就無叫另一面浮潛嘅鄰居，我驚大叫仲嚇親佢，而且它相隔他都好遠，無謂嚇死他！

1點半要到，點知club car 遲到，要1點45分才到Diving centre，其他團員都準備中，领隊是馬來西亞女孩華人，佢叫我們排隊從碼頭落水，咦？不是出海嗎？哦！原來佢叫我們全套浮潛裝備逐個下水試水，睇下我地是否識游水及識用裝備，試完就出海 lu，7至8分鐘船程好快到，我和老婆估計應該在我們房望出好遠個珊瑚礁島，在海面望都無也嘢，但一垂頭望下
海中，嘩！好靚呀！用文字好形容，珊瑚島一路望落海床，見不到海底，只有幾條光柱從海底反射上來，周圍都是珊瑚和各種魚，我和老婆開著攝錄機周圍影，但是，和海龜都是沒有缘份，它們始終無出現！

盡興回歸，返房享受泳池午餐(出前一丁)，hea到6點幾天開始黑，我又係陽台邊等有什麼會經過屋下面，今次來嘅客人是兩條灰白色魔鬼魚，同沙一樣色，差些看不到它們，仲留係池邊無走。晚餐又見Hafiz ，原來他明天休息，所以今晚最後見我們，影張相留念，回家用email寄回給他。 good night!

房外浮潛