Anita & Louie 旅遊手記: 新加坡、馬爾代夫8天之旅--20週年紀念 day 2

2012/11/29 Thursday Day 2 am-☀ pm-☁

1030 出門係酒店附近周圍行下，附近樓房都幾有懷舊特色，影下相，遊走到蘇丹回教廟，想在附近找個早點連午餐地方，不過大部分都係印度式炸物，不對胃口，都係返去昨晚的Albert centre ，一樣咁好味，買咗兩個雞飯，一個Nasi，一杯奇異果汁，多謝11元SGD，吃飽飽，從MRT Bugis station 出發，EW東西線（綠色）轉 NE東北線（紫色）去Santosa ，Santosa 都好大，express 快車分四個站，我地先去最尾站Beach station，沙灘幾個咁多，不過，最殺風景嘅係；你係沙灘會望著貨櫃船及貨櫃碼頭，oh no ，又周圍行，無入去環球影城，覺得入場費好貴，想入Casino ，又唔比背囊入，我又唔想放儲物櫃，算啦，無緣！大約4點幾，走lu ，返回express 頭站的 Santosa Vigo city 小吃（原來個度都有「大食代」food court)，燒雞翼，炒籮白糕，Tan嘟嘟甜品。

1730 離開Santosa ，MRT 去「小印度 little India 」站，老婆睇書書知道有印度式短暫紋身，想來試試，紋咗右手右腳，紋得好開心，仲巧遇一班澳門朋友買染髮劑及紋身，係印度區行行，周圍都是黑漆漆及咖哩味，7點幾 MRT 去China town station（牛車水），感覺好似廟街、女人街、花園街，不過都有新鮮嘢，就係印度廟，供奉舍利子的寺，仲不經意行到原想訂的酒店，原來好近MRT，搵地方晚飯，見步行街裡面都是旅客生意，於是係周邊搵下，搵到一座叫「牛車水大廈」係寺後面，類似香港熟食街市，無冷氣，但食物種類多得不得了，一定要試試，煲仔飯，雞腳湯，油菜，蔗汁檸檬（17.5元SGD），MRT 回程，好倦，1110返到酒店，在reception 取回 Doris 送的蛋撻及鳳梨酥，沖涼覺覺豬。