新加坡、馬爾代夫8天之旅--20週年紀念 day 5

2012/12/2 Day 5 Sunday 陽光

6點半老婆起身影日出，我就對海剃鬚，遠處間有小船經過，今天遲些，9點才嘆早餐，麵包籃各式麵包都一樣咁好味，今天帶同浮潛用品吃早餐，無須回房取，昨天聽過碼頭側邊海堤和珊瑚礁石有好多魚，去看看先，不過老婆每次旅行都帶漏一樣野，今次係防曬衫，唯有用件T 恤 頂住先，嘩！即刻見到條大的粉藍吊，追住佢追住佢，係礁石見到好多魚(魚街啲魚都見到七八)，浮浮下開心過度都唔記得無著救生衣添，不過唔係好出啫，慢慢又浮返回來，珊瑚就無乜，有人出現嘅地方多數死啦，浮得好開心都唔記得回岸，老婆浮一陣就回岸曬太陽，佢唔鍾意海底啲大石，話大石好恐怖，我浮咗好耐，嘴都痛先回岸，又回房hea下泳池，試下新買個水泡先，老婆又試下新相機，周圍影，試完泳池試浴缸，幾爽！向著大海！

下午做乜？來個沙灘椅小睡囉！黃昏又來，一樣咁靚，我拿著相機等魔鬼魚再經過，但是，你等它，它又不來了，生活就是這樣囉！ 不過, 等不到魔鬼魚, 等到條鯊魚在房下經過. 今晚的晚餐是結婚2O年紀念，當然喝些酒慶祝啦，都是一個字“貴“。
月色，夜景，人，都一樣的美。good night!

一樣的美麗晨光

烏龜都去旅行

一樣去浸浴

一樣去洗面

望海剃鬚

好自由

每天一樣咁好味

今天坐在近沙灘, 好熱.

食完早餐, 即刻去玩

你睇後面的玻璃水

嘩, 玻璃水

浮潛開始, 好多魚呀

首先出場是它

浮完回房望海浸浴

望海想什麼?

午睡, 覺覺豬

咁快又黃昏, 好靚.

晚餐又開始

月色一樣美