Anita & Louie 旅遊手記: 新加坡、馬爾代夫8天之旅--20週年紀念 day 4

2012/12/1 Saturday Day 4太陽

早上6點幾醒了，昨晚風聲浪聲好大，望著床腳的深藍淺綠兩色的海，啊！原來我不在家，我在馬爾代夫！好美的海景在我床尾出現！一望無際，只有一隻小船在好遠的海面經過，陽台側邊望向東面的日出剛升起，於是在陽台坐下，嘆杯茶，慢慢欣賞，洗面擦牙稍後啦！睇睇下，面前有隻海龜物體游過，好快又大浪，勉強拍到個影，oh 無緣！

8時左右出門囗周圍影相，今天陽光普照，海水更加玻璃，已經好想跳下去，一路影一路行去dinning room吃早餐，其實幾遠，應該叫club car送我們去，不過第一天試試啦，都要10分鐘。

到dinning room又見番 waiter Mr.Hafiz，佢又保持滿臉笑容招待我們，先來橙汁，西瓜汁，咖啡，紅茶，生果碟，麵包籃，果醬，這裡不是自助餐形式的，早餐主菜選擇一個，其他可以再添，特別一提；麵包籃，果醬是他們每天自家製的，真的很好味！老婆今天吃“賓尼迪" 蛋，dinning room 向著島東面的水上屋及另一個餐廳(要1600前預約喎！)，側邊就是Reception，10點才嘆完早餐，行去周圍影下相，西面泳池，碼頭，diving centre，我住的水上屋，water sport centre等，途中影下蟹仔，蜥蜴，寄居蟹，轉個小灣又行番去東面水上屋，這邊的水靜些少些浪，可以看清屋下魚，八爪魚，行到12點左右坐club car 回房。

試下房個泳池先，雖然小型都幾好玩吖，1點幾又出去酒店泳池玩下，在東面浮潛找到條獅子魚，差些踏中它，因為佢係海草度扮隱形，玩到3點半又回房，試下坐飛機過來的出前一丁杯麵先 (個旅行package我地只選擇早晚餐)，加房內Espresso免費咖啡機的美味咖啡，一直嘆，睇魚，睇海，睇黃昏日落，突然，有條3呎幾枱面咁大嘅魔鬼魚經過屋下，嘩，好大條！好可惜，攞得相機佢都走咗喇！

今晚預訂了東面伸出海中的餐廳，這裡比較正式些，沒有昨晚dinning room可以隨意一點，我還見到有些情侶穿得好隆重呢！餐廳食物絕對有誠意，頭盤，主菜，甜品，色香味皆好！不過，不包飲品，叫了支水，嘩！好貴呀！12美元！
晚餐後散步看月色一樂也，11點幾，good night.