Anita & Louie 旅遊手記: 新加坡、馬爾代夫8天之旅--20週年紀念 day 1

2012/11/28 Wednesday Day 1 陰天毛毛雨

想咗好耐，得過諗字，終於3個月前係Travel Channel 旅遊社，訂了去The Residence Maldives 酒店，這間是Travel Channel 的職員 VIC 介紹，他介紹了幾間，由於這間新開張比較靜，所以就選這間啦，今次先經新加坡留低兩天，VIC 話，如果直去馬爾代夫，到達時很夜，要在馬里市過一晚酒店，提議在新加波停留一天，我就諗不如兩天，反正未去過新加坡，順便一提 Travel Channel 的 VIC 服務好又專業。

晨雞4點幾起身，諗住搭0500的N26去機場，但意外常在您身邊，原本老婆執好了兩個行李篋，哈哈！竟然一個壞鎖、另一個閂不到，攪咗30幾分鐘都唔掂，即刻攞番以前用嚟旅行個大背包，老婆果然熟手兼快手，好快轉咗背囊，趕到0525班N26 ，0615 到1號客運大樓 F line Singapore airline ，check in 好快攪掂，今次早餐不夠時間飲普洱，去咗禁區裡面翠華吃西早，時間比較趕，要0720 boarding , gate 15, 老婆一路食一路玩新玩具 Olympus Stylus SP-820UZ 40x wide zoom full HD, 玩得好開心，0800 準時起飛 lu

1200 準時出到 Singapore Airport arrival hall，等咗一陣，Edmond Thia （老婆的新加坡朋友）就出現，好感激他用車送我地去酒店（Santa grand hotel Bugis) ，途中還去了 [ 51 old airport road food centre & shopping mall 舊機場路飲食與購物中心] 吃小食，係類似香港的熟食中心，不過乾淨清潔，種類好多，見好多本地人吃午飯，我地飲蔗汁加檸檬（幾好味、特別）吃炒貴刁（裡面有鮮蝦及螄蚶）、鹵水腸、蛋、豬肉

1400 到酒店check in ，有心理準備，mini hotel ，不過係房都開到篋，都係夜晚沖涼瞓，乾淨就得啦！沖個涼，Edmond 一個鐘後回來接我地，會合 Doris (老婆的新加坡朋友）1530 帶我地去Stamford hotel 70 幾樓 high tea ，景色好靚，眺望市區好多地方，食物又得，正，6點又帶我地遊車河睇下周圍景點，1930 車我地返酒店，突然落起大雨雷電交加，好彩剛到酒店，梳洗一下，2030 又出去行下，雨停了，慢步沿Victoria road 向 Bugis EW12 MTR 行，只是要9-12分鐘，打算後天乘綠色東西線去Airport CG2 ，係Bugis EW12 MTR 站附近行下，係 "福祿壽" 商場側邊間 "Albert centre" 熟食中心食蝦麵、板麵幾好味，食完沿Bugis street (類似商場女人街）、Bugis Junction 商場、Victoria road 回酒店