早上十一點幾離開酒店，這幾天出門都向左轉，今天向右轉，竟然發現茶壺茶葉店原來就在酒店側邊幾間舖，真是周圍搵，原來在床下底，睇左一陣間，明天再來，原來酒店附近有個商圈 (即係香港的批發地方)，逛了一陣，到地下街買了一對鞋比梁小姐，買了一對拖鞋比我自己，返回上次吃過的 “良品牛肉麵” 午餐，它仍可以保持水準. 在附近買了兩個胡椒餅，就去臺鐵坐 1320 時的 “自強號” 去瑞芳，去到瑞芳之後在同一個月臺即刻買平溪線的車票去青銅方向，咁就可以去到十分老街 .
十分老街 其實好得意，因為火車在民居的屋邊駛過，好多人都在路軌放天燈，我和老婆都在路軌上映相，係十分老街 去十分瀑布 都要 30 分鐘路程，去到十分瀑布 還要 80 元入場費，看完回十分老街坐平溪線去終站青桐站，在青銅逛一陣，老婆買咗鹹蛋做手信，跟住就係青桐站坐小型貨火車回瑞芳站，瑞芳站出閘買車票普通車.
1800時回台北，但是因為是普通車所以無固定座位，好彩我地都有位坐，因為是普通車所以站站停，好耐先回到臺鐵站, 在臺鐵站買鳳梨酥綠豆糕，在地下街取回兩對鞋，回酒店休息，由於好攰不想行遠，到附近的寧夏夜市 吃晚飯，原來寧夏夜市 可能每晚都不同小販，因為我地見到今晚的，不同前日的小販，吃完飯十一點幾回酒店，覺覺豬。
買本簿仔蓋吓印先
幾隨和, 好似我們以前小朋友過火車軌
就在民居側邊駛過
這個告示, 好似係裝飾咁
路軌放天燈
後面條路,行去瀑布
佢地文化好似日本人
到啦
你見到左上角的人嗎?
菁桐站
老人家, 你許願?
沒有留言:
發佈留言