Anita & Louie 旅遊手記: 斐濟之旅 day one

斐濟之旅 day one 28~29 Nov 2011 Monday & Tuesday day

點解今次選Fiji , 想去得遠一點，想去一個不同國度嘅地方，10個鐘機程夠遠啦卦？原本想去馬爾代夫，找資料時見到斐濟直航機廣告，口號話旅費比馬代便宜一半，即刻動心，睇完資料&價錢，決定去啦！它在澳洲東面是一個好多島嘅國家，祇有80幾萬人口, 多數是非洲或印度人。

今日1200幾出門，帶同新買嘅兩個行李匧，坐26號到蘋果街巿轉A22去機場，1315左右到機場，在Travelex 換了720FJD、1000US，然後到潮樓嘆杯茶先，1425 P line ' Air Pacific ' check in，入咗禁區，兩公婆買咗兩份大型三文治，點解？驚住係機上得一餐食囉！點知錯哂，食足三餐，4個鐘1格，包你飽飽，1535 boarding ，gate 40，第一次坐長途機，準備好10集巾幗梟雄係iPad，兩公婆睇咗7集頂唔順，眼瞓！但瞓咗一陣，又開燈又派早餐，無得瞓，於是乎攞iPad 出嚟寫旅行日誌囉！寫寫下，見到窗外晨光，好靚呀！

0730 斐濟機場幾簡約，即係無乜嘢啦，網友無講大話，佢地嘅immigration 的確幾慢，it's OK, you know, it's Fiji time! 排緊隊，有個深圳新婚朋友聊老婆傾計，佢地一個住深圳一個住廣州，嚟呢度渡蜜月呢，so sweet! Me too! 佢地聴到我地話19 年紀念，張開口望著我地好驚訝！無須驚訝，你地好快就到啦！個女仔話擔心佢嘅旅行證不被Immigration 接受，因為佢持有係澳門旅行證，唔係passport , 佢果然對了，immigration officer 帶咗佢地入去，我地就繼續咯。

0900 才出到Arrival hall , 咦？無人接嘅，點算？好彩reception deck 有位Fiji gril問我地去邊，比張 Sheraton resort receipt 佢睇，立即指點我地去office正確位置, 對完資料，司機哥哥就用私家車送我地去Sheraton resort 咯，途中司機哥哥好熱誠講解Fiji thing ，但我啲英文麻麻地，佢都係，所以都係聽得少少，0925 到Sheraton Fiji resort ，果然係大酒店，當你係大客咁，無論真假，你都開心啦，原本 reserve Ocean view room, 問我地想唔想upgrade , 不過要補59 FJD per night，心想，既然來了，玩開心啲，比比比！唔好理咁多啦！
間房係近沙灘大約數十呎，係地下，外面草地，又近 resort main building , 但老婆厭它對不正海外景，唔緊要啦！世事豈能盡如人意呢？

突然覺得好眼瞓，沖個涼 1015 上床瞓一陣，老婆繼續執嘢，sorry ！習慣咗！老婆話番我知，佢1115 才瞓，原本想1200 起身，點知瞓到1525才肯起身，因大家都實在太眼瞓。出去酒店打個圈，大酒店有嘅都有啦，行到泳池又見番個對新婚男女，又傾一陣，佢地攪咗成個鐘取了落地簽證，才走得。行到resort 外的便利店（都係貴）買咗 Fiji Gold beer 及花生返房，Fiji 到1900 先至日落，2000 時去泳池邊睇fire dance ，2030 時我地試下＂Feast'＂restaurant buffet, 如果無50 % discount 就唔試，因50% 都要45FJD and+20%grov tax，（超貴！）

是晚最後節目，沙灘＂睇星星＂，滿天星真係好靚！好靚！good night!

斐濟貨幣