高雄墾丁 Day four

2012-04-26~Thursday  時晴時雨 

Day four  <恆春老街 ~後壁湖 生魚片>

無敵海景有誠意的早餐，風雲陽光不定的寧靜漁村，朝早起床就這樣。

昨日到民宿時己預說了早餐吃乜，0900 送到入房，放係落地大窗前的小椅小枱，早上起床，張開眼睛見到窗外好似一幅畫的景色，我喜歡它如魚村的寧靜、海景。

開車又出發，首個目標恆春鎮的老街，東南西北城門看看，係老街逛逛，見到資料介紹的木履店，買對做紀念品，先選木履鞋身，再選鞋帶、刻字、試鞋，攪掂! ( 刻字 “隨緣”)跟著試下 “綠豆饌”，話好出名，味道一般，好似醬糊咁 “傑”。 行行下去咗 “亞嘉的家”在外面拍照，剛才問咗木履老闆那有錢兌換，去到銀行女職員好有禮貌話無錢換喎，但就好好人畫咁張地圖比我地，去郵局換錢 (又加分比台灣同胞)，原來她指我們去的是 “亞嘉的郵局”，good 換錢順便參觀景點拍照。下一站 “後壁湖 漁會大樓”，一定要去，因我鍾意吃魚生+魚魚，原想去書書介紹的輝哥魚生，好可惜無緣，休息，又隨緣行入一間 “邱家魚生”試試，咦! 不錯呢，幾好吃，魚生抵食，200蚊台幣大大片，有40片喎，good good good，鄰座有3男1女港友，閒談幾句幾ok，佢地叫條東星 300蚊，我估有14-16両，好正，如果不是飽了，真想叫條試下，oh 下次啦，食完飯在附近手信店買小吃手信，係碼頭見過後生仔劏魚，哇! 好大條，個咀有把劍個種魚，好犀利，好似捉條大魚好平常啫。

貓鼻頭，開始風雨齊來，但又有太陽，我地落咗車，哇 ! 見太多大陸同胞，又超勁風雨，回車等等，不如走囉，點知又停雨出陽光，又落車睇吓，這個景點可以不來，無特別，人又多，影張相走人。

    白砂灣，反而有些新發現，就係 “happy panda”, 它是一個集露營、燒烤、露營車、酒吧、食店、沙灘邊的地方，幾得意，我地無意中參觀咁露營車內設備，清潔別緻有空調，下次來可以試下，既然咁得意，試吓個 “happy hour”先，hea 完一輪，駕車回民宿，今次不用GPS 都可以攪掂，因為一條直路囉，哈哈哈………

返到民宿己經黃昏，不過係下雨的黃昏，無陽光，在落地窗前看見一大群白色海鳥，我想有500-600 隻吧，在海上飛過，好美啊!晚上到恆春鎮找吃，在 “三媽臭臭窩”試吓，我猜是一間連鎖店，吃一人一煱，其他一般，無炸過的臭豆腐、鴨血就 good good. 不過，回頭取車就有體驗，因我在路邊泊車，見一間舖頭落哂閘，就泊在它門口啦，點知返嚟燈光火猛開哂門，心知不妙，被舖內好似兩公婆的伯伯嬸嬸用台語駡，我都唔知佢講乜，應該唔會講多謝或請我吃飯啩! Heheeeeee……. 講聲不好意思，拿拿聲走人 lu ，不過我仍然要稱讚他們，點解呢? 因為係香港，好可能已經攪花車或被人告咗囉，所以我話佢地都幾好人吖。