Anita & Louie 旅遊手記: 高雄墾丁 Day two

2012-04-24~Tuesday  超超勁太陽
Day two  <佛光山 ~瑞豐夜巿>
08:00起床梳洗後到樓下，不遠處嘅八德豆漿食早點(豆漿，油炸鬼，生煎包，煱貼)TWD$60好好味。 09:00係高雄客運等09:20嘅客運8010號去佛光山車費每位TWD$80 。

11:00終於到達佛光山，需然要1個半路鐘車程，不過都嘅因車內都好舒適。先在朝山步道落車，一路向頭山門方向行，途經觀音放生池、覺華園、文教廣場、不二門、靈山勝境、朝山會館(自助餐)、大雄寶殿(點燈、供僧)、如來殿、金佛樓、玉佛樓，週圍都好莊嚴、舒服、寧靜，同時佛光山真係好大1日都行唔哂。

13:15係朝山會館食完午齋，再週圍行有大智殿、龍亭、大佛城、寶藏館，14:15到文教廣場對開等電動車向佛光山佛陀紀念館出發，呢度重大過本山好多，同時有好多人參觀非常熱鬧。
14:19由佛陀紀念館正門向本館正門方向前去需時20分鐘(我哋自己)，本館超大大，館內參觀都唔洗擔心迷失，因館內嘅指示牌很清晰，係館內嘅滴水坊買咗很多伴紀念品，好開心TWD$2600。
18:00我哋參觀到關門呀，我哋錯過咗最後班車出高雄巿，唯有坐義大客運到佐營站，19:19再坐捷運返去高雄車站。

20:35沖完白白再出發，捷運巨蛋站1號出口瑞豐夜巿，呢個夜巿比較本地人多d都好熱鬧呀，我哋今次食咗，櫥窗鹵味、牛腩拉麵、炸彈墨魚、愛玉粉圓、石榴生果啦，最後仲玩咗無痛紋身添，我兩隻(左花、右龍)老婆3隻(左咒、右蝴蝶、右腳蠍子)，都好靚架幾得意多謝TWD$600。

23:30返酒店啦，今日嘅行程行足1日(15 hours)超勁呀，要覺豬啦，明天新地點 <墾丁> 我哋嚟啦。

  早餐